Mbrëmjen e 18 janarit ka ndodhur një sherr masiv në një nga hotelet më të njohur të Tiranës.
Në disa media u raportua fillimisht se sherri ka ndodhur mes djemve të deputetit Tom Doshi dhe një moderatori të kanalit Top Channel, të quajtur Eno Popi.
Por disa dëshmitarë okularë kanë tjetër version. Personat e përfshirë kanë qenë pjesëmarrës në festën e ditëlindjes së Sara Hoxhes, në hotel Plaza.
Sipas dëshmitarëve, në festë kanë qenë të pranishëm dy djemtë e deputetit Tom Doshi (i shpallur non grata nga SHBA), James dhe Marcos. Ata kanë qenë në shoqërinë e shtetasit Vis Bajraktari.
Në një tjetër tavolinë ka qenë djali i miliarderit shqiptar, Samir Mane, shtetasi Martin Mane.
Gjatë mbrëmjes mes dy tavolinave ka nisur një sherr për motive banale.
Pas fyerjeve të rastit, situata ka degraduar në përplasje fizike. Djemtë e Tom Doshit bashkë me Bajraktarin, janë përplasur me Martin Manen dhe shokët e tij.
Ky sherr solli mbylljen e festës.
Policia e Shtetit nuk ka bërë asnjë njoftim për këtë rast.
Të pyetur pse nuk ka njoftim zyrtar, policia tha se nuk ka deklaratë pasi nuk është bërë asnjë denoncim.
Shkaqet nuk jane te njohura, por djemtë e Tom Doshit njihen për sjellje të dhunshme në grup.
Kanë qenë prindërit e të përfshirëve në sherr ata që kanë ndërhyrë për të mbajtur larg policinë, e cila nuk ka ndërhyrë, megjithëse ka marrë informacion për ngjarjen e rëndë.
Heshtja e policisë është një tregues i qartë i kontrollit të focave të ligjit nga segmente të caktuar të politikës.
