Kollokotroni, prijësi kryesor ushtarak në perëndim të gadishullit qe një rival politik i princit Mavrocordato ; thuhet se vdiq ose (ka arsye të forta të mendohet se u vra) më 4 shkurt ose sipas një tjetër varianti më 17 shkurt 1843.
Princi Mavrocordato, ishte Fanariot dhe roli i këtyre të fundit në shtrembërimin dhe politizimin e historisë, është tashmë i njohur.
Sipas variantit që propagandohet sot, Plaku i Moresë qe i akuzuar për tradhti ndaj adoleshentit në atë kohë mbretit gjerman Oto. Kollokotroni u hodh në burgun e Its Kale në Nafplio, më 7 shtator 1833. Greqia i kishte hidhëruar heronjtë e saj në shumë raste, veçanërisht në kohë tranzicioni. Kur pushteti ishte në dorë të të huajve, që e ndërtuan identitetin modern grek nga nuri dhe cilësitë e arbërorëve.
Ndërsa vetë plaku i Moresë, i cili mbushi moshën 63 vjeç, shkroi në kujtimet e tij për burgosjen:
“Më futën në burg fshehurazi për gjashtë muaj pa parë askënd përveç rojtarit të burgut. Për gjashtë muaj nuk e kisha idenë se çfarë po ndodhte, kush ishte gjallë, kush kishte vdekur, nëse kisha miq të tjerë në burg. Për tre ditë rradhazi nuk e dija nëse ekzistoja, ishte si një ëndërr. Vazhdova të pyesja veten nëse isha unë apo dikush tjetër. Nuk e dija pse isha i mbyllur brenda.
Kollokotroni, i njohur edhe si “Plaku i Moresë”, lindi më 3 prill 1770 në Messinë e Vjetër. E gjithë jeta e Kollokotronit rrjedh mes shqiptarëve, qofshin myslimanë apo të krishterë. Ishte vëllazëruar me të krishterin Marko Boçarin dhe me myslimanin Ali Farmaqi.
Foto: “Plaku i Moresë në burgun e Nafplios” skulpturë në dyll nga Pavlos Vrellis, 1983
“Pavlos Vrellis, Greek History Museum”, Janinë
