Familja Kelmendi me këngën “Duje” arritën të çojnë Shqipërinë në finalen e Eurovison 2023. Menjëherë pas kualifikimit ata kanë folur për mediat e huaja ku dhe janë shprehur se Shqipëria dhe Kosova janë si “vëlla dhe motër” dhe ne jemi të një gjaku.
“Ne jemi të një gjaku, të një kombësie, Kosova dhe Shqipëria janë si vëlla dhe motër dhe ne kemi një nënë që është Shqipëria e Madhe”, tha Kelmendi.
Por, si duket kjo deklaratë e bërë nga këngëtarja Albina Kelemdni nuk i ka pëlqyer aspak serbëve të cilët s’kanë nguruar të “vjellin vrerin” e tyre në titujt e portaleve.
“Skandal të madh”, kështu e cilëson media serbe deklaratën e Albinës.
“Skandali i shqiptares në Eurovizion: “Shqipëria e Kosova jemi si vëlla e motër, dhe nëna jonë është Shqipëria e Madhe”, është vetëm një nga titujt e mediave në Serbi në lidhje me deklaratën e familjes Kelmendi para gazetarëve.
