Në mars pritet të filloj rregullimi i kullave të Jasharëve me një fond prej 6 milionë euro.
Artilerisë serbe i kishin bërë ballë më shumë se dy dekada më parë.
E kullat e Jasharajve, në Prekaz, tash e një kohë po rrezikojnë të shkatërrohen nga moti i ligë dhe mungesa e kujdesit.
Dëmtimet janë të dukshme dhe pjesë të tyre po mbahen me mbajtëse të improvizuara.
Një pjesë e çatise, tashmë ka rënë.
E në të gjitha pjesët, mbajtëset e hekurit tashmë janë ndryshkur.
Vendi që ruan historinë e lavdishme të familjes Jashari, rrezikon dëmtim edhe më të madh dita-ditës.
Kjo po i shqetëson edhe vizitorët kompleksit në Prekaz.
Ndërkohë, si të nevojshme ndërhyrjen e shtetit për ta rregulluar sa më parë këto monumente po e shohin edhe banorët e këtij vendi.
E mirëmbajtjen e tyre do duhej të kujdesej Agjencia Për Menaxhimin e Komplekseve memoriale.
Por që nga kjo agjenci thonë që ndërrimi i shpeshtë i qeverisë iu ka zgjatur implementimin e projektit.
Ndërsa, pas shumë kohësh, tani më ekzistoni një komitet ndërministror të cilët kanë marrë vendim që të vazhdohet puna aty ku ka mbetur me qëllim që të shpëtohen kullat nga rrënimi.
E kryetari i komunës së Skenderaj, njëherësh anëtar i familjes Jashari, edhe pse e ka ngritur këtë problem disa herë, nuk pranoi që të flasë për T7 në lidhje me gjendjen e Kullës dhe shtëpive.
Ndryshe, rreth 600 mijë euro ishin ndarë në fund të vitit 2017, dhe rreth 1 milionë euro në 2018, mirëpo që projektet e asaj kohë nuk ishin përkrahur nga komuna e Skenderajt, dhe nga disa faktorë të tjerë, e që më pas paratë i ishin kthyer përsëri qeverisë së Kosovës.
