Deputetja e Partisë Demokratike, njëherazi Kryetare e Komisionit Hetimor Parlamentar për Inceneratorët, Jorida Tabaku denoncon sesi qytetarët e Tiranës paguajnë dyfish më shtrenjtë tarifën e pastrimit për një shërbim publik që nuk kryhet. Në një publikim në rrjetet sociale, Tabaku bën me dije se tarifa prej 40.61euro/ton paguhet për një incenerator që nuk ekziston, ndërsa akuzon kryebashkiakun Erion Veliaj se gënjeu nën betim.
POSTIMI I PLOTE I TABAKUT:
Qytetarët e Tiranës paguajnë dyfish tarifën e pastrimit për një shërbim të pakryer. Paguajnë 40.61€/ton për një incenerator që nuk ekziston!
Erion Veliaj mbrojti publikisht me avokati dhe gënjeshtra nën betim 45 mln euro shtesë që fiton koncesioni përmes monopolit që ai i ka siguruar.
Inceneratorët kanë marrë mbi 100 mln € nga taksat e shqiptarëve dhe nuk ekzistojnë.
Qeveria po i mbron në bllok, me vetmohimin e një grupi të strukturuar kriminal që duhet të mbrojë vjedhjen e saj!
Një qeveri që ka pasur dijeni se si vidhen dhe abuzohet tek inceneratorët siç edhe shkresa që bëra publike përballë dëshmitarit Agaçi tregonte!
Deri në fund! Asnjë tolerim ndaj abuzimit dhe vjedhjes së taksave të shqiptarëve!
