Ish-eurodeputetja Doris Pack kritikon me ashpërsi deklaratat e ambasadores amerikane Yuri Kim e cila një ditë më parë u përfshi në fushatën për zgjedhjet e pjesshme lokale duke shtruar pyetje për kandidatët e Shtëpisë së Lirisë si paralajmërim që mbështeten nga personi non grata Sali Berisha.
Kim po akuzohet çdo ditë e më shumë se në mënyrë flagrante ka ndërhyrë dhe po ndërhyn në çështjet e brendshme të Shqipërisë, po mban anën e qeverisë dhe po imponohet në fushatën elektorale.
Doris Pack thotë se asnjë ambasador nuk sillet si Yuri Kim:
“Zonja ambasadore Kim: Nuk ka asnjë ambasador në ndonjë vend demokratik që sillet si ju. Ju po ndërhyni në mënyrë të vazhdueshme në çështjet e brendshme të Shqipërisë. Ju nuk i bëni asnjë nder vendit tuaj, SHBA-së. Më vjen turp nga ju,” shkruan Pack në postimin e Kim në Twitter.
Më herët dje, Kim dhe ambasada amerikane postuar në Twitter një seri mesazhesh ku ripërmendej se Sali Berisha është non grata në SHBA.
Po ashtu u publikua dhe një pyetje provokative për kandidatët: “Nëse sponsorizuesi kryesor i juaj është dikush i shpallur “non grata” për korrupsion domethënës, çfarë po u premtoni votuesve saktësisht? Kush do të jenë pronarët tuaj nëse fitoni dhe çfarë detyrimi do të keni kundrejt tyre? Çfarë duhet të presin shqiptarët? Çfarë duhet të presin Shtetet e Bashkuara?”, shkroi Kim.
