Tashmë ka nisur vaksinimi i qytetarëve serbë në veri të Kosovës me ‘Pfizer’ për të frenuar koronavirusin. Kështu ka deklaruar Presidenti i Serbisë, Aleksandër Vuçiç.
Sipas mediave serbe, vaksinimi filloi në qytetin e Leposaviçit.
Haki Abazi nga Lëvizja Vetëvendosje ka thënë se vaksinimi i qytetarëve në veri të vendit nga Ministria e Shëndetësisë së Serbisë është një shkelje e sovranitetit të Kosovës.
“Vaksinimi i qytetarëve të Republikës së Kosovës nga ana e Serbisë përbrenda territorit të Kosovës përbën shkelje të sovranitetit dhe kërcënim për sigurinë e vendit”, ka shkruar Abazi në rrjetin social Facebook.
