Kastriot Tahiri
Me një kopertinë që shfaq një fije shkrepëse që digjet, fije shkrepëse që ka në krye një kokë njeriu, simbolikisht- shqiptarët që humbën jetën 8 dekada më parë, është botimi i radhës i autorit Uran Butka.
Sipas Butkës, në librin “Lufta civile në Shqipëri, vitet 1943 – 1945”, ka të pathëna të historisë.
Sipas historianit Muhamet Mala, në librin “Lufta civile në Shqipëri 1943 – 1945”, detajet janë të mbështetura në burime të besueshme.
“Përmban një realitet tjetër, shkence dhe nuk mjaftohet me atë që ka thënë një ideologji. E ky libër është tendencë për ta treguar një realitet të mbështetur në burime dhe interpretime”, tha Muhamet Mala, historian.
Duke e vlerësuar si vepër të rëndësishme, drejtori i Institutit Albanologjik në Prishtinë, tha se autori Butka e ka përshkruar më së miri periudhën e luftës civile.
Përveç librit të tij, Butka është duke punuar në veprat e Mit’hat Frashërit, të cilat do t’i botojë në 12 vëllime.
