Për zhvillimet e fundit në Shqipëri, pas vrasjes së Klodian Rashës nga policia ka reaguar edhe Imzot George Frendo, Arqipeshkvi Metropolit i Tiranë-Durrësi.
Ai thotë se po policërt duhet të ushtrojnë me përgjegjësi punën e tyre, ndërsa populli ka të drejtë të protestojë.
Frondo është kundër dhunës dhe vandalizimit, pasi sipas tij dhuna lind dhunë.
“Kam ndjekur ngjarjes pas vrasjes së një 25-vjeçari. Ngushëllime familjes së Klodian Rashës. Policët duhet ta ushtrojnë punën me përgjegjësi.
Populli ka të drejtë të protestojë, por duhet të shmanget çdo lloj vandalizmi dhe dhunë. Dhuna është një fyerje kundër dinjitetit njerëzor. Mos harrojmë që dhuna lind dhunë”, ka thënë ndër të tjera Imzot Frendo.
Kujtojmë që prej 5 ditësh në Tiranë dhe në qytete të tjera qytetarët janë ngritur në protestë për vrasjen e Klodian Rashës nga efektivi i policisë Nevaldo Hajdaraj.
MESAZHI I PLOTE
Gjatë qëndrimit tim për rikuperim nga Covid 19 në Itali kam ndjekur lajmet për ngjarjet në Shqipëri pas vrasjes së një djali 25 vjeç nga një polic. Dua të shpreh mbështetjen dhe ngushëllimin tim me familjen e Klodjan Rashes, për këtë humbje të madhe. Policët zbatojnë një punë shumë të dobishme në shoqëri, që duhet ta vlerësojmë. Por i lutemi ta ushtrojnë me shumë përgjegjësi dhe respekt për çdo qytetar.
Ndërsa dhuna është gjithmonë një fyerje kundër dinjitetit njerëzor. Pikërisht sot Jezusi na mëson e na fton të shohim këtë dinjitet në fytyren e çdo njeriu. Dhe mos të harrojmë se dhuna lind dhunë. Vetë Jezusi tha: “… të gjithë ata që kapen për shpatë, prej shpatës edhe do të vdesin.” (shih Mateu 26, 52).
Mons. George Frendo O.P.
Arqipeshkvi Metropolit i Tiranë – Durrës
