Më 27 Janar 1945 trupat amerikane çliruan kampin e Aushvicit në Poloni. Vetëm aty vdiqën mbi 1.5 milionë njerëz, kryesisht hebrenj. Aleatët bënë fajtorë për atë masakër gjigante nazistët gjermanë. Dhe ata ishin përgjegjësit kryesorë.
Por, fakt është se aleatët dinin që në verën e vitit 1942 ekzistencën e kampeve të vdekjes. Shumë organizata hebraike i kërkuan amerikanëve dhe britanikëve bombardimin e tyre. Por siç u zbulua më vonë, Uashingtoni, i druhej një asgjësimi të plotë të nazistëve,pasi për amerikanët armiqtë kryesorë ishin komunistët.
Edhe arkivat e bëra publike një vit më parë, zbuluan se Vatikani ishte në dijeni të asaj që po ndodhte në këto kampe, dhe nuk bëri as edhe një denoncim publik. Ndërkohë përpara se të vendosnin të vrisnin të gjithë hebrenjtë e Evropës, nazistët planifikuan në vitet 1930 transferimin e 4 milionë hebrenjve në ishullin e Madagaskarit në lindje të kontinentit afrikan.
Shqipëria është ndër vendet e vetme, që nuk i dorëzoi hebrenjtë që u strehuan në vend, dhe për këtë ka marrë vlerësime zyrtare nga Izraeli.
