Nga Elis Buba
Tre ditë më parë kryeministri Edi Rama gjatë një konference për mediat, së bashku me ministren e shëndetësisë, Ogerta Manastirliu paraqiti masat anti-COVID të marra nga qeveria me qëllim përballimin e sfidës vjeshtë-dimër, ku vendosja e maskës do të jetë me detyrim në çdo ambient, të brendshëm apo të jashtëm dhe masa ndëshkimore në formë gjobe do t’i vijë çdo qytetari bashkë me faturën e dritave.
Pas të enjtes, kushdo që nuk do ta mbajë maskën edhe në rrugë, do të gjobitet. Gjoba do të jetë në masën e 3 mijë lekëve.
Do jetë policia bashkiake dhe ajo e rendit që do të vendosin masën administrative, ndërsa si agjent mbledhës i saj do të jetë Oshee përmes faturës së energjisë elektrike.
Cilat janë 10 arsyet pse maskat jane kontestuar ndërkombëtarisht dhe ndër zërat më kundër kësaj mase parandaluese, janë profesorë britanikë si Pr. Chris Whitty dhe Pr. Jonathan Van Tam.
Në përmbledhje konçize, argumetat e tyre theksojnë:
Maska nuk garanton mbrojtje por vetëm mund të pengojë pjesërisht marrjen e virusit. I cili është mijëra herë më i vogël se poret e maskës. Pra potencialisht ka qindra rrugë nga mund të merret virusi.
Maskat po përdoren vetëm në mënyrë sipërfaqësore, pra sa për të thënë… Maska duhet njëpërdorimshe, pasi ajo kontaminohet shumë shpejt.
Mbajtja nëpër xhepa apo çanta e maskës shumfishon mundësinë e kontaminimit. Kihet parasysh maska që hiqet me të zbritur nga urbani dhe vendoset sërisht për të hyrë në market.
Mosmbajtja e mundshme e maskës, do nxisë konflikt mes qytetarëve dhe autoritetit penalizues.
Pandemia është një problem ende i pakapërcyer dhe ka ende të panjohura. Qytetarët me maska mund të jenë pjesë, sa e zgjidhjes aq edhe e problemit.
Kapacitetet spitalore janë të mjaftueshme për të përballuar rastet. Maskat duken si elementë propogandistikë.
Teprimi me mbajtjen e maskes krijon premisa për infeksione bakteriale, mortaliteti prej të cilave mund të kaloje vdekshmërinë nga Covid 19. Kush mund të garantojë se qytetari do nderrojë 5 apo 6 maska sterile në ditë?!
Maskimi në mjedise të hapura mund të jetë një vendim politik dhe jo i rekomanduar nga autoritetet shëndetësore.
Nëse kthehemi në situatën në vendin tonë, lind vetiu pyetja a është pjesë e protokollit të OBSH vendosja e maskave në rrugë, por pas ditës së enjte? Deri të mërkurën nuk paraqitet asnjë rrezik në shëndetin e qytetarëve?! Apo pritet e enjtja e parlamentit, kur pasi të shpiket një kuadër ligjor për penalizimin e kundravajtësve, me anë të forcës së numravë në parlament – që kjo mazhorancë ka treguar se i ka – , të mund të imponojë vullnetin e disave, në kurriz të të gjithëve. Si në rastin e shembjes së Teatrit, karantina politike u mbyll një ditë pas punës së rruspave dhe fadromave…
Në 1 tetor u bë e ditur në rrugë zyrtare se do lejohej shërbimi në ambjentet e mbyllura të bareve dhe restorantëve. Si do funksionojë shërbimi dhe konsumi në këto ambjente, pas të enjtes?
Në rastin e një personi me probleme në frymëmarrje, le të themi me astëm, si parashikohet proçedura? Kjo kategori do jetë në mëshirë të bonsensit të punonjësit të policisë?
A është trashja e faturës një formë intimidimi, që qytetari të mendojë se nuk ka rrugë shpëtimi? Pasi është i lidhur pazgjidhshmërisht me shtetin nëpërmjet faturave. Sa e ligjshme është kjo?
A ka një baze ligjore të deritanishme, që e parashikon këtë lloj penalizimi me gjobë, apo do bëhet si me gjobat e marra për lëvizjet e mjeteve gjatë karantinës, të cilat u apeluan?
Penalizimet ndaj qytetarëve në rrugë, do jenë rastësore apo gjithpërfshirëve? Rastësore si gjobat për shpejtësi në autosdradë, ku për një makinë të ndaluar për shpejtësi, ia hedhin pa lagur 10 të tjera, që lakojnë me supër-shpejtësi? Si parashikohet shpërndarja e burimeve njerëzore, për një vlerësim të drejtpeshuar të situates?
Jo jo jo, zonja dhe zotërinj, kjo është thjesht një tjetër bllof sporadik, i mediatizuar, sa për të thënë, – – …ja ne e bëmë tonën, fajin e kanë qytetarët, ata nuk zbatojnë direktivat e shtetit.-
Qytetarët janë endë në pritje të “rrogave të luftës”, dhe sigurisht në pritje të masave të vërteta për kalimin me sa më pak dëme të kësaj periudhe delikate, që po afron me uljen e temperaturave.
Por kështu si janë gjasat, korona ashtu si edhe politika, do bëjnë të vetën dhe pik.
