Këngëtari shqiptar Ermal Meta u shpall fitues i çmimit të tretë në festivalin e njohur italian “Sanremo”. Mirëpo, duket se pjesëmarrja e tij nuk është pritur mirë nga të gjithë, pasi ka patur nga ata që e kanë paragjykuar për shkak të origjinës.
Ermali ka vendosur të thyejë heshtjen dhe përmes një video në publikuar në Instagram është shprehur se nuk ndihet aspak i lënduar.
“Mua këto komente nuk më prekin fare. Por unë dua të ndaloj tek to se nuk më duket aspak e drejtë që persona që janë shumë më të rinj se unë të më drejtohen në atë mënyrë, kur unë jam në realitet më shumë italian se ata, sepse jetoj në këtë vend prej më shumë vitesh, pavarësisht se kam ardhur nga një tjetër shtet. Është e çuditshme që këtë diskutim po e bëj në 2021-in dhe nuk po e prek këtë temë sepse më pëlqejnë polemikat, në fakt as nuk më plas për to. Ajo që dua të dini është fakti që të thuhen këto gjëra dhe t’i lësh të ikin i bën të duken normale. Të flasësh ashpër e t’i përmendësh origjinën dikujt nuk është aspak normale. Ne jetojmë të gjithë nën një qiell, të gjithë kemi një ndërgjegje të përbashkët kolektive. Kjo është urrejtje që unë nuk e pranoj dot sepse është idotësi”.
Kam vetëm diçka për t’iu thënë: ‘Nëse do dinit vetëm pak fare nga historia e vendit nga unë vij, do ndiheshit krenar, njësoj si unë. Jam krenar për rrënjët dhe gjakun tim, e nëse ju do i njihnit ata do ndiheshit krenarë që i keni fqinj. Ju ftoj të lexoni historinë e tyre dhe do mbeteni të mahnitur”.
Kutojmë se Ermal Meta ka triumfuar në festivalin më të madh të këngës në Itali ‘Sanremo 2018’ duke u shpallur ftues i këtij kompetcioni së bashku me kolegun e tij Fabrizio Moro me këngën ‘Non mi avete fatto niente’. Ermal Meta ka arritur të bëjë krenar çdo shqiptar me suksesin e tij.
