Pasditen e djeshme u nda nga jeta pas një arresti kardiak legjenda e futbollit botëror, Diego Armando Maradona. Vdekja e tij ka pikëlluar gjithë globin, duke përfshirë edhe figura publikë, që nuk kanë shumë lidhje me futbollin.
Papa Francescu është figura publike e radhës, që shpreh gjithë pikëllimin e tij për ndarjen nga jeta të Maradonas. Papa, i cili është gjithashtu argjentinas ndjen kënaqësi që pati mundësinë ta takonte vite më parë.
“Papa Fransescu është informuar për vdekjen e Diego Maradona. Ai ndjen dashuri për mundësinë e takimit që patën vitet e fundit dhe e kujton atë në lutje, siç bëri gjatë ditëve të fundit kur mësoi për gjendjen e tij shëndetësore”, u shpreh një nga zëdhënësit e Papës.
