Presidenti i vendit, Ilir Meta ka folur në lidhje me arrestimin e ish-ministrit të Mjedisit, Lefter Koka i cili akuzohet për aferën e incineratorëve.
Meta është shprehur se ish-ministri nuk është përgjegjësi kryesor për atë çështje, sepse janë vendime të marra nga qeveria.
Presidenti Meta: Lidhur me aferën e inceneratoreve, ai zotëria në burg ndodhet aty me marrëveshje.
Denoncimet që kam bërë unë janë shumë konkrete.
Denoncimin që ka bërë LSI-ja është hetim dhe është i gatshëm për tu proceduar çdo person që është përmendur në të.
Zotëria që është sot në burg nuk është përgjegjësi kryesor për atë çështje sepse ato janë vendime të marra nga e gjithë qeveria. Dhe koka e vërtetë është me lart. Prandaj inceneratori i Tiranës vazhdon akoma dhe askush nuk ndërhyn.
Lefter Koka u arrestua më 14 dhjetor 2021 me akuza për disa vepra penale në lidhje me hetimet për procedurën mbi kontratën e koncesionit për ndërtimin e impiantit të trajtimit të mbetjeve urbane dhe prodhimit të energjisë në Qarkun e Elbasanit.
Sipas SPAK dyshohet se Koka ka konsumuar veprat penale “shpërdorimi i detyrës”, kryer në bashkëpunim, “korrupsioni pasiv i funksionarëve të lartë shtetërorë ose i të zgjedhurve vendorë”, si dhe “pastrimi i produkteve të veprës penale apo i veprimtarisë kriminale” , kryer në bashkëpunim.
Këtë deklaratë Meta e bëri në emisionin “Opinion”