Më 14 shtator 2022, në moshën 93-vjeçare, ndërroi jetë aktorja e njohur ndërkombëtare me origjinë shqiptare, Irene Papas (Eirini Leleku), (1929-2022).
Gjatë xhirimeve të filmit legjendar “Odisea” në vitin 1968, një moment gjatë pushimeve ka mbetur i paharrueshëm.
Irene Papas dhe Bekim Fehmiu po flisnin në një gjuhë që askush tjetër në ekip nuk e kuptonte. Një nga gazetarët, i pushtuar nga kurioziteti, iu afrua dhe pyeti:
“Më falni, por çfarë gjuhe po flisni?”
Irene ia preku dorën Bekim Fehmiut për ta lënë të përgjigjej dhe tha:
“Është gjuha jonë amtare.”
Gazetari u habit:
“Gjuha amtare? Po cila mund të jetë ajo, kur ti je greke dhe Bekimi jugosllav?”
Irene u përgjigj me qetësi, por me bindje:
“Unë jam shqiptare nga Greqia, ndërsa Bekimi është shqiptar nga Jugosllavia. Por më e rëndësishmja është se ka qenë vullneti i Zotit që ne të dy të luajmë këto role, sepse dikur vetë Penelopa dhe Odiseu flisnin të njëjtën gjuhë që ne po flasim sot.”
Ky moment, i thjeshtë por i fuqishëm, tregon lidhjen e tyre të veçantë me rrënjët dhe kulturën shqiptare, edhe në mes të një produksioni ndërkombëtar./nid/
