Filozofia e të bërit marketing, në thelb nuk finalizohet vetëm tek shitja, se sa tek vlerat me të cilat e atashon produktin dhe vlerat që ky produkt përmban dhe përcjell. Sepse reputacioni në treg është sa çështje prestigji aq edhe jetëgjatësie mes emrave të mëdhej të cilësisë.
Kleçka në botën e marketingut dhe jo vetëm, është që plot individë dhe produkte urrehen kur janë reale dhe preferohen kur janë falsë. Çështje orientimesh, për të cilat gjithësecili duhet të jetë vetë syçelët.
Emrat e mëdhej shesin, por çfarë përfaqsojnë këta emra, si e kanë marrë famën? Çfarë kontributi kanë? Ka plot që pozicionohen në showbiz si djem dhe vajza të bukura e kaq. Të tjerë rradhiten si të shquar për këngët e tyre, filmat, rrobat, humorin etj.
Ka të tjerë që pozicionohen mes “VIP”ave si personazhe të trumbetuar masivisht në TV, ka nga ata që për hir të dukjes fizike bëhen të njohur. Të gjithë mund të kenë të njëjtin numër ndjekësish në rrjetet sociale, por njerëzit s’janë numra. Dhe jo të gjithë numrat janë ndjekës realë. Ndaj edhe TiBO, përzgjedh me nikoqirllëk një emër me kontribute të njëmendëta kombëtare, jo thjesht një personazh aranxhatë, interesaxhi e kallp shumëplanësh.
Tibo zgjedh, me plot gojën, një gur të rënde, në vendin e vet pasi Tibo beson se kush ndjek Marinin, meriton respekt dhe vlerësim, po aq sa meriton edhe vetë Marini. Emra të mëdhej e të klikuar pafund media ka plot, por vlen shumë më shumë kontributi e prurja e këtij emri se sa numrat e instagramit.
TiBO preferon ta atashojë emrin e vet me vlerat e vërtetuara dhe me ngjyrat kombëtare të misionit të Memës dhe gjithë atyre që e përkrahin me zemër. Sepse ne jemi një ndër ta./E.B/usalvision
