Partia Demokratike ka reaguar ndaj akuzave të ish-kryeministrit Sali Berisha, se gruaja e Lulzim Bashës, përmes një kompanie të saj, zotëron lojërat e fatit në vendin tonë.
Berisha tha disa ditë më parë nga Lezha, se Edi Rama dhe Lulzim Basha kanë bërë pazar me kompanitë e lojërave të fatit, duke ia dhënë gruas së kryedemokratit.
Sipas PD-së Berisha po hedh çdo ditë gënjeshtra për Bashën, teksa ‘sillet vërdallë nëpër Shqipëri’.
PD: Berisha, gënjeshtar ordiner, e shkuara e keqe. Do mbahet mend si dhunues i PD:
I deklaruar non grata për korrupsion bashkë me familjen e tij, dhe i braktisur nga demokratët pas dhunës së 8 janarit, Sali Berisha po sillet vërdallë nëpër Shqipëri duke thënë çdo ditë gënjeshtra të reja për Lulzim Bashën dhe familjen e tij. Për të dytën herë Sali Berisha, ky gënjeshtar ordiner, shpifi për bashkeshorten e kryetarit të PD.
Ky është një mashtrim i ri nga njeriu që për hallin e tij dhunoi edhe shtëpinë e demokratëve dhe ishte gati të derdhe gjakun e tyre. Ky që për hallin e tij ka qenë gjithmonë gati ti vërë zjarrin Shqipërisë. Por ai është vetëm një e shkuar e keqe për PD-në dhe gjithë shqiptarët, dhe emri i tij do mbahet mend si një nongrata për korrupsion.
