Shteti shqiptar nderoi sot presidentin e 6 të republikës së Shqipërisë, Bujar Nishanin, i cili u nda nga jeta në 29 maj.
Presidenti i Republikës Meta, kryetarja e kuvendit Nikolla, përfaqësues të qeverisë e të opozitës, deputetë demokratë të cilët e kanë pasur koleg, si dhe ambasadorët e akredituar në Tiranë bënë homazhe dhe vlerësuan trashëgiminë politike e institucionale të ish-kreut të shtetit.
ILIR META
PRESIDENT I REPUBLIKËS SË SHQIPËRISË“Si kryetar i shtetit ai punoi me përkushtim të radhë në mbrojtje të kushtetutës. Ai punoi për të forcuar frymën e tolerancës dhe bashkëjetesës fetare në vend. Ai besoi deri në fund te demokracia. Si president në 100 vjetorin e shtetit shqiptar ai mëshiroi këto parime.”
Në homazhe morën pjesë edhe politikanët nga Kosova, Maqedonia e Veriut, Mali i Zi, si dhe të gjithë ish-presidentët shqiptarë.
ALFRED MOISIU
ISH-PRESIDENT I REPUBLIKES SE SHQIPERISE
“Mund të them që ka qenë president i mirë i përkushtuar për detyrën dhe për të zbatuar kushtetutën.”
BAMIR TOPI
ISH-PRESIDENT I REPUBLIKES SE SHQIPERISE
” La mbrapa një vepër shumë komplekse. I lehtë i qoftë dheu.”
FATMIR SEJDIU
ISH-PRESIDENT I REPUBLIKES SE KOSOVES
” Ne nuk kemi qenë në të njëjtën kohë president të vendit, por e ndjej veten me privilegj që kam njohur një njeri kaq fisnik.”
Ceremonia shtetërore për Bujar Nishanin bashkoi socialistët dhe demokratëttë cilët vlerësuan ish-presidentin, por as ky moment humbje për skenën politike nuk bashkoi PD, pasi të dy grupimet që janë sot në partinë më të madhe të opozitës u kujdesën të zgjidhnin orare të ndryshme për të bërë homazhe
ENKELEJD ALIBEAJ
KREU I GRUPIT PARLAMENTAR TW PARTISE DEMOKRATIKE
“Ikja e një copëze historie, ikja e një copëze politike të një burri të urtë, të qetë që lëshonte vetëm sinjale paqeje dhe mirësie”
TAULANT BALLA
KRYETAR I GRUPIT PARLAMENTAR TE PARTISE SOCIALISTE
“Do ruaj respektin për Bujar Nishanin kundërshtar, por edhe një personalitet që erdhi nga fusha ushtarake por që tregoi respektin ndaj Kushtetutës dhe interesit të vendit, gjatë ushtrimit të detyrës së tyre.”
Në mesdite arkëmorti me trupin e Bujar Nishanit u nis drejt varrezave, ku do të prehet ish-presidenti i Shqipërisë.
Kryetari i PD, Sali Berisha, njeriu qe ka bashkëpunuar më gjatë me Nishanin mbajti fjalimin e lamtumirës, duke mos e fshehur dhimbjen e këtij momenti të vështirë.
