Qeveritë “Rama”, disa herë tentuan ta privatizojnë zonën turistike “Syri i Kaltër”, por janë tërhequr nga denoncimet në media. Por këtë herë ministrja e Mjedisit, Mirela Kumbaro, duket se do të çojë në fund planin që nuk e vazhdoi dot ish-ministri Blendi Klosi. Mëse një muaj më parë, Agjencia e Zonave të Mbrojtura hapi një tender rreth 333 milionë lekë për ndërtime në këtë zonë, me objekt “Ndërtimi i hapësirave publike për akomodimin e automjeteve dhe aksesimin e tyre në zonën e mbrojtur Syri i kaltër”.
Ministrja Kumbaro dhe zyrtarë të Ministrisë së Mjedisit duke inspektuar “Syrin e kaltër”
Dokumenti shoqërohet edhe me një hartë, ku tregohet se parkimi do të vendoset në rrugën Qafa Muzinë-Sarandë, pra disa kilometra larg Syrit të Kaltër. Sigurisht që ky parkim i cili do të ndërtohet nga kompania që fiton tenderin do të jetë privat dhe kështu ngadalë çdo cep rreth “Syrit të Klatër” do privatizohet.
Në dokumente thuhet se Agjencia Kombëtare e Zonave te Mbrojtura, synon që ndërtimin e hapësirave publike për akomodimin e automjeteve dhe aksesimin e tyre në zonën e mbrojtur “Syri i Kaltër”. “Parkimi është pas ndërtimit të rrugës lidhëse dhe shëtitores të zonës së mbrojtur të ‘Syri i Kaltër’” thuhet në dokumentet e këtij tenderi.
Një muaj më pas tenderin me objekt: Ndërtimin e hapësirave publike për akomodimin e automjeteve dhe aksesimin e tyre në zonën e mbrojtur “Syri i Kaltër” e ka fituar kompania FUSHA sh.p.k., e cila vetëm pak kilometra më tej “Syrit të kaltër” fitoi edhe tenderin rreth 5 milionë euro të shëtitores së Sarandës, që u inaugurua vjet për fushatë dhe që sot ka nisur të degradohet.
Shpallja e rezultateve të tenderit