Mimi Kodheli, e cila mban edhe postin e zv.presidente e Asamblesë Parlamentare të NATO-s në një dalje për mediat ka deklaruar se Shqipëria mbështet sovranitetin territorial të Ukrainës.
Sipas Kodhelit çdo sfidë e Ukrainës është edhe sfidë për Bashkimin Evropian, ndërsa theksoi se Shqipëria i është bashkuar sanksioneve që BE dhe SHBA ka vendosur ndaj Rusisë.
“Qëndrimi ynë në fakt ka qenë dhe mbetet koherent. Në KS të OKB Shqipëria dhe SHBA janë bashkë-pen-mbajtëse lidhur me çështjet e Ukrainës. Krijimi i këtij çifti Shqipëri- SHBA është një garanci e jona për një angazhim aktiv të vazhdueshëm me nisma konkrete që të dyja vendet kanë ndërmarrë dhe do ndërmarrin. Kjo mbetet një përgjegjësi e madhe, por edhe i konfirmimit të një Shqipërie që vlerësohet në luajtjen e atij vendit që i takon, si një vend që ruan paqen e dhe sigurinë.
Shqipëria ka mbajtur një qëndrim të fortë në mbrojte të sovranitet territorial të Ukrainës. Ajo është e pandashme dhe se cdo sfidë ndaj saj prek të gjitha vendet e BE. Shqipëria në qëndrimet e BE, SHBA dhe vendetave partnere nuk është mjaftuar vetëm me fjalë. Shqipëria i është bashkuar sanksioneve që BE dhe SHBA kanë vendosur ndaj Rusisë, duke marrë mbi vete edhe reagimet e Rusisë. Ne kemi qenë të angazhuar për trajtimin me përparësi të situatës në Ukrainë. Qëndrimet tona kanë qenë publike dhe janë shprehur në takimin e ministrave të mbrojtjes”, shprehet Kodheli.