Kalaja e Krujës është një ndër monumentet më të rëndësishme të trashëgimisë kulturore në vendin tonë. Por tërmeti i 2019 rrëzoi një pjesë të murit rrethues. Prej më shumë se 3 vitesh institucionet nuk kanë ndërhyrë, ndërsa gurët e murit janë lënë në mëshirë të fatit nga Ministria e Kulturës dhe Bashkia e Krujës.
Një pjesë e murit rrethues së Kalasë së Krujës është rrënuar.
Tërmeti i 2019 shkaktoj dëme edhe në këtë monument historik të kategorisë së parë.
Ky është muri që i rezistoj shekujve, por jo tërmetit.
Pavarësisht se kanë kaluar më shumë se 3 vite institucionet nuk kanë bërë asgjë për ta ringritur murin.
Ata që e vizitojnë këtë kala, bëjnë thirrje për ndërhyrje.
Vizitori:”Kjo është një pamje e dobët. Është gjynah për ta lën në këtë gjendje. Bashkia dhe institucionet kulturore duhet të bashkëpunojnë për ti dhënë një ringjallje më të mirë”.
Kalaja e Krujës është një ndër monumentet më të rëndësishme kulturore në vend, që vizitohet nga mijëra turistë vendas dhe të huaj.
Kalaja u ndërtua në shekujt V-VI, ndërsa gjatë periudhës së Skënderbeut u bë krye-fortesa e qëndresës së shqiptarëve kundër pushtimit osman.
