Avokat Idajet Beqiri ka drejtuar gishtin mbi ish-kryeministrin Berisha, si të vetmin që udhëroi të gjithë të gënjenin sa i takon 21 Janarit, për të mbajtur ai ‘karrigen’. Idajet Beqiri nga studio e ‘Breaking’ në Top News, akuzoi për çështjen ish-kryeministrin Sali Berisha, pasi sipas tij, manipuloi një sistem të tërë në mënyrë që të dilte i pafajshëm. Kjo dosje vjen vetëm pak ditë pas shpalljes “non grata” të Berishës nga SHBA-ja. Amerikanët kanë kërkuar ndëshkimin e tij.
Avokati tha se plumbat nuk erdhën nga afër, por erdhën nga dritaret e Kryeministrisë. Duke qëndruar në të njëjtën linjë, ai shtoi se për Aleks Nikën dhe Hekuran Dedën nuk u zbulua kush i qëlloi dhe nuk dolën autorët.
Beqiri u shpreh se Prokuroria e Tiranës është kopetente për ta marrë këtë çështje. Po sipas tij, nuk kemi të bëjmë me një vrasje nga pakujdesia, por me një vrasje që ka bërë një grup i strukturuar kriminal me në krye Sali Berishën.
“Skema që paraqiti para gazetarëve dhe organeve të drejtësisë, Berisha u tha për linjën që duhet të ndjekin. Të njëjtën linjë mbajtën edhe mjekët, dhe për këtë duhet të gjykohen dhe ata se gënjyen, se thanë siç i tha Berisha, që janë qëlluar nga afër. Por plumbat nuk erdhën nga afër, erdhën nga dritaret e Kryeministrisë.
Për Aleks Nikën dhe Hekuran Dedën nuk u zbulua kush i qëlloi dhe nuk dolën autorët. Këto çështje nuk mbyllen, dosja ishte e hapur, se për këta persona çështja ishte pezulluar.
Prokuroria e Tiranës është kopetente për ta marrë këtë çështje, por nëse i del problemi që këtu nuk kemi të bëjmë me një vrasje nga pakujdesia, por kemi të bëjmë me një vrasje që ka bërë një grup i strukturuar kriminal me në krye Sali Berishën.
Gardistët s’kishin gjë me Aleks Nikën e tre të tjerët, por për të mbrojtur karrigen e ish-kryeministrit bënë planin për t’u dhënë një mësim protestuesve që mos të dilnin më sa të mbyllej mandati i Sali Berishës”, tha Beqiri.
