Ministrja e Punëve të Jashtme dhe Diasporës, Donika Gërvalla, ka mbajtur konferencë për media, ku ka treguar më shumë detaje pas aplikimit të Kosovës në Këshillin e Evropës.
Gërvalla tha se vendimi për aplikim për anëtarësim në këtë mekanizëm është marrë në kohën e duhur.
Ajo deklaroi se nëse Kosova anëtarësohet në Këshill të Evropës do të jetë hapi më i rëndësishëm pas Pavarësisë së Kosovës
“Tani është koha për të marrë vendimet e duhura. Prandaj edhe kemi vendosur qe ketë vendim të rëndësishëm ta marrim tani. Ne besojmë që ky është hapi i duhur në kohën e duhur. Nga anëtarësimi fitojnë të gjithë dhe nuk humbet askush, fitojnë qytetaret e Kosovës, fiton rajoni, fiton Këshilli i Evropës”, ka thënë kryediplomatja në një konferencë për media të premten./arbresh