Një gabim teknik gjatë konfirgurimit ishte ai që shkaktoi bllokimin e rrjeteve sociale prej më shumë se shtatë orësh dhe mbi 7 miliardë humbje në pasurinë e CEO-s së Facebook, Mark Zuckerberg.
Vetë Facebook në një reagim zyrtar e ka bërë me dije këtë gjë, teksa shton se gjithçka do të funksionojë përsëri normalisht dhe se të dhënat e përdoruesve nuk janë sulmuar. Edhe pse në fillim pati zëra për një sulm të sponsorizuar në Facebook, vetë kompania e moho këtë gjë.
“Për të gjithë njerëzit dhe bizneset në të gjithë botën që varen nga ne, na vjen keq për shqetësimin e shkaktuar nga ndërprerja e sotme në platformat tona. Ne kemi punuar sa më shumë që të jetë e mundur për të rivendosur aksesin, dhe sistemet tona tani janë duke u aktivizuar. Shkaku themelor i këtij ndërprerje gjithashtu ndikoi në shumë nga mjetet dhe sistemet e brendshme që ne përdorim në operacionet tona të përditshme, duke ndërlikuar përpjekjet tona për të diagnostikuar dhe zgjidhur shpejt problemin. Ekipet tona inxhinierike kanë mësuar se ndryshimet e konfigurimit në ruterët bazë që koordinojnë trafikun e rrjetit midis qendrave tona të të dhënave shkaktuan çështje që ndërprenë këtë komunikim,”- tha Facebook ndër të tjera.
Shërbimet e mediave sociale Facebook, WhatsApp dhe Instagram u ndërprenë për thujase shtatë orë. Doëndetector, i cili gjurmon ndërprerjet dhe problematikat e aplikacioneve, tha se ishte dështimi më i madh që kishte ndodhur ndonjëherë, me thuajse 10.6 milion raportime për probleme në aksesueshmërinë e rrjeteve në të gjithë botën.
