Akademiku Artan Fuga përmes një postimi në rrjetet sociale ka reaguar ndaj njoftimit të bërë dje publik nga ish-Kryeministri Sali Berisha për krijimin e nja koalicioni të quajtur “Shtëpia e Lirisë” me të cilin do të përfaqësohen kandidatët demokratë në zgjedhjet e pjesshme vendore të 6 marsit.
Në reagimin e tij, Fuga pyet se kush e inicoi ngritjen e këtij koalicioni, çfarë përfaqëson ai.
“Ne si publik nuk shohim asgjë! Apo demokratizohet baza dhe nuk luan maja si një farë centalizmi demokratik!
Apo baza është foltoro-demokratike kurse maja, Komisioni, mbetet unitet i celniktë, pa debate, pa diskutime. Me nje fjalë sa përputhen mekanizmat xhirues të foltores me mekanizmat xhirues të Komisionit!
Përshembull ç’ishte kjo Shtëpia e Lirisë! Hajde merre vesh! Kush e negocoi, si, pse, me ç’diskutime, ç’rendiment elektoral do të ketë.
Pse nuk u debatua për shtëpinë e Lirisë në foltoret? Kur nuk diskutohet kjo çfarë duhen diskuret patetike?
Se mos mbeten këta kandidatët për kryetarë nëpër bashki si monumente pa themele, në ajër!”, shkruan Fuga.
Postimi nga Artan Fuga
Ku është foltorja e Komisionit?
Pyes veten : Mirë në foltore demokratët e bazës marrin pjesë dhe flasin. I shohim me të drejtë të lemerisur, të zhgënjyer nga ish partia e tyre dhe nga lidershipi i saj, nga më i vogli te më i madhi, të braktisur, të keqpërdorur, të mashtruar, çfarë të duash!
Por ata diskutojnë, nuk janë si në sallat ku pjesës tjetër të ish partisë demokratike u flet kryetari zyrtar i ish partisë, ku mileti rri si në kohën e babaqemos, me sy hapur, fle, gërhit dhe duartrokit.
Por nuk e kam aty fjalën.
Po në këtë Komisionin për Rithemelimin e Partisë demokratike a ka foltore? A bëhen diskutime aty, si merren vendimet aty, kush i sheh, kush i dëgjon, si informohet baza e militantëve të ish partisë për nuancat, rrymat, qendrimet aty!
Se ne si publik nuk shohim asgjë! Apo demokratizohet baza dhe nuk luan maja si një farë centalizmi demokratik!
Apo baza është foltoro-demokratike kurse maja, Komisioni, mbetet unitet i celniktë, pa debate, pa diskutime. Me nje fjalë sa përputhen mekanizmat xhirues të foltores me mekanizmat xhirues të Komisionit!
Përshembull ç’ishte kjo Shtëpia e Lirisë! Hajde merre vesh! Kush e negocoi, si, pse, me ç’diskutime, ç’rendiment elektoral do të ketë.
Pse nuk u debatua për shtëpinë e Lirisë në foltoret? Kur nuk diskutohet kjo çfarë duhen diskuret patetike?
Se mos mbeten këta kandidatët për kryetarë nëpër bashki si monumente pa themele, në ajër!
