Editorial – Elis Buba
“Prej shumë vitesh ne, naftëtarët e Ballshit, jemi vjedhur, tallur e nëpërkëmbur nga pronarët dhe pushtetarët. Kemi thuajse 20 paga pa marrë, edhe pse i kemi fituar me gjyq. Jemi të papunë këta 11 muaj të fundit, pa bukë për fëmijët dhe familjet tona!”, shkruhej në ftesën e naftëtarëve për të protestuar ditën e sotme.
Eshtë zhvendosur tashmë në Tiranë pranë godinave të ministrive, protesta e punëtorëve të uzinës së naftës në Ballsh. Naftëtarët kanë kërkuar zgjidhje për marrjen e të paktën 20 pagave të prapambetura.
Gjatë protestës ka patur tensione mes naftëtarëve, aktivistëve të shumtë dhe forcave të policisë të cilët kanë kërkuar shpërndarjen e protestës për shkak të pandemisë.
Eshtë një kënaqësi e vërtetë (!) që Shteti nëpermjet policisë, kujdeset kaq shumë për shëndetin e qytetarëve dhe nderhyn me dhunë për të shpërndarë një protestë të etiketuar e paligjshme, mbledhur nga naftetarët e Ballshit, në kërkim të përsëritur të bukës së mohuar prej shumë muajsh. Miq të respektuar, policia ka merak për secilin nga ju, ndaj edhe s’lejon tubimet!!!
Indinjate serioze për ndalimin dhe shoqërimin e paligjshem të Arben Kolës e plot te tjerëve, me justifikimin e shëmtuar të pandemisë, që bëhet instrument politik, për të shmangur përgjegjësitë. Meqë shteti na do më shumë sec duam veten!
Shqetesim dhe indinjate për naftetarët e Ballshit, të cilët në vend që të dëgjohen, gjendet “sebep” koronavirusi, që të dhunohen e të percillen, sakaq që u shkelet rishtazi e drejta, të cilën kane ardhur ta kërkojne tek dikasteri përgjegjës.
Bëhuni të ndërgjegjshëm, të vetëdijshëm, të mencur e të fortë njerëz të mirë! Këmbëngulni në të drejtën tuaj, pa u intimiduar nga arrestime të paramenduara. Kjo nuk është Shqipëria, kjo është vetëm një maskë njerezish mizor, që mbajnë peng vendin prej dekadash tashmë. Duke e shemtuar dhe vjedhur shtëpine e tyre dhe tonën, por jo edhe për gjatë urojmë.
/USA Albanian Society
