Dua Lipa i ka dalë në mbrojtje qytetarëve palestinezë pas sulmeve të vazhdueshme nga ana e Izraelit.
Por, postimet e këngëtares shqiptare, të cilat në thelb kanë si qëllim mbrojtjen e të drejtave të njerëzve, nuk janë pritur mirë nga të gjithë, sidomos nga izraelitët, shkruan “Daily Mail”.
Prestigjiozja “New York Times” ka dalë kundër Lipës. Ajo ka publikuar një foto të Duas me kunatat e saj, Bella dhe Gigi Hadid, të cilave u referohet si “mega-ndikuese” që kanë “përçmuar shtetin hebre” dhe “kanë akuzuar Izraelin për spastrim etnik”.
Kjo ka bërë që Dua të reagojë dhe të sqarojë të vërtetën në lidhje me qëndrimet e saj.
“I hedh poshtë të gjitha pretendimet false që u publikuan sot në ‘New York Times’. Ky është çmimi që paguan kur mbron të drejtat e njerëzve në Palestinë kundër qeverisë së Izraelit, që veprimet e tyre në Palestinë, i cilësojnë si persekutim dhe diskriminim.
Unë mbaj këtë qëndrim, sepse besoj se të gjithë, hebrenj, myslimanë dhe të krishterë, kanë të drejtën për të jetuar në paqe, si qytetarë të barabartë të një shteti që ata zgjedhin.
Rrjeti i Vlerave Botërore po përdor paturpësisht emrin tim për të zhvilluar fushatën e tyre me manipulime dhe keqinterpretime flagrante të asaj që unë jam dhe për çfarë qëndroj.
Unë solidarizohem me të gjithë njerëzit e shtypur dhe i refuzoj të gjitha format e racizmit”, shkroi Dua Lipa në një postim në “Twitter”.
