Ish-diplomati kosovar, Lulzim Peci ka publikuar një artikull ku shfaqet edhe fotografia e të birit të presidentit serb Aleksandar Vuçiq, Danilos, me siç shkruan ai, organizatorin e protestave pro-ruse në Beograd, Damjan Knezheviq.
Peci, ka thënë se kjo fotografi është një argument se prapa protestave që përkrahin agresionin rus, është presidenti i Serbisë.
“Organizatori i protestës së sontme në Beograd, në përkrahje të Rusisë, Damjan Knezheviq (Narodna Patrola) në këtë foton e artikullit, është së bashku me Danilo Vuçiqin (biri i A. Vuçiqit). Në foto është edhe Milica Gjurgjeviq, udhëheqëse e Lëvizjes “Zvetnici”, e njohur si shumë proruse”, ka shkruar Peci në ‘Facebook’-un e tij.
“Ky është një argument që e bën më të besueshëm faktin se, Aleksandar Vuçiq qëndron në fakt prapa kësaj proteste”, ka vazhduar ai.
Sipas Pecit, votimi i Serbisë pro-rezolutës së Kombeve të Bashkuara që dënoi agresionin rus, është bërë me qëllimin që Vuçiq të duket pro-perëndimor krahas ultra-nacionalistëve pro-rusë.
