Pas ndalimit të aktivistëve në një protestë të zhvilluar në Tiranë ka reaguar edhe Ambasada Britanike, që bën thirrje për hetime të drejta sa u takon pretendimeve për përdorim të dhunës.
Ambasada Britanike, ndërsa shpërndan deklaratën e Komisioneres për të Drejtat e Njeriut në Këshillin e Evropës, Dunja Mijatoviç, thotë: “Ambasada Britanike ka ndjekur zhvillimet me protestat dhe raportimet për ndalimin e disa aktivistëve në Shqipëri.
Ne nënvizojmë nevojën për të mbështetur të drejtën për tubim paqësor dhe bëjmë thirrje për hetime të drejta në lidhje me të gjitha pretendimet mbi përdorimin e dhunës”.
Sjellim në vëmendje që komisionerja e KiE u shpreh se: “Reagimi ndaj pandemisë Covid-19 nuk u jep autoriteteve ‘kartë të bardhë’ për të përdorur forcë në pandemi”. Së fundmi ka pasur pretendime për dhunë policore edhe nga aktivistët për mbrojtjen e Teatrit.