Pamjet e qarta të zbuluara nga kamerat e sigurisë kanë zbuluar të vërtetën e sherrit mes kandidatit të PD, Luçiano Boçi dhe biznesmenit Gjergj Luca.
Në ngjarjen e ndodhur në Labinot të Elbasanit, kamerat fiksojnë momentin kur Luca debaton me Boçin, i cili është i shoqëruar.
Në momentin kur konfrontohen fizikisht, kandidati i PD fillon të qëllojë me grushta ndaj biznesmenit. Gjatë përplasjes, nga xhepat e Lucës bie celulari i tij, i cili më pas merret nga personat që shoqërojnë Luçiano Boçin, dhe i jepet në dorë këtij të fundit.
Dje në media, pas sherrit Luçiano Boçi deklaroi se Luca është një rrugaç politik të cilin e denoncoi në Prokurori dhe u shpreh se ishte ai i dhunuari. Por pamjet filmike të publikuara fillimisht nga Top Channel, hedhin poshtë akuzat e tij.
Elbasani duket të jetë një nga zonat më të nxehta të fushatës zgjedhore pasi pak ditë më parë po në këtë qytet ndodhi një incident kur militantë të opozitës dhe pozitës u shanë dhe përleshën mes tyre në ditën e verës, kur aty ndodheshin edhe kryeminstri Rama edhe lideri i opozitës.
