Shkollat janë hapur dhe viti i ri shkollor ka filluar si kurrë më parë në histori, gjatë një pandemie botërore. Që prej fillimit të procesit mësimor, në qarkun e Lezhës kanë rezultuar pozitiv me covid, 17 mësues dhe 7 nxënës.
Ndërkohë, burimet bëjnë të ditur se janë rreth 37 mësues dhe 14 nxënës që janë karantinuar, ndërkohe që procesi mësimor vijon të zhvillohet duke neglizhuar ne disa raste udhëzimet e ministrisë se Shëndetësisë.
Te prekurit kryesisht kanë rezultuar në shkollat publike të Kurbinit dhe Mirditës, por përhapja e covid është shtrire edhe ne shkollat privatë te qytetit të Lezhës.
Edhe pse situata vijon të ketë rritje progresive, deri tani asnjë klasë nuk është mbyllur për shkak të infektimit të stafit apo nxënësve./Panorama
