Deputeti socialist, Bujar Çela uroi festat e nëntorit me fotografinë e Enver Hoxhës, por mbrëmjen e kaluar nuk hezitoi të bënte të njëjtin veprim. Ndonëse u përjashtua nga grupi i Komisionit të Sigurisë, Cela hyri në grupin e Whatsapp të Komisionit të Integrimit, ku dërgoi imazhin ku shfaqet Berisha me ish diktatori komunist.
“Rroftë Partia Demokratike…!”, shkruan Çela në fotografinë ku shfaqet Berisha krah Enver Hoxhës.
Nuk ka munguar reagimi i deputetëve demokratë. Jorida Tabaku shkruan: “Bujar, këtë grup e kemi për komunikime të Komisionit të Integrimit. Këto postime dërgoji në grupe të tjera ku të shkojnë dhe t’i pëlqejnë! Unë besoj se disa ditë qetësie dhe mungesë nga parlamenti do të kishin ndihmuar të qartësoheshe!”
Ndërsa Nik Collaku shkroi “Ky është provokim vulgar”.
