Sot po shënohet Dita Ndërkombëtare e Muzeve, ku në mungesë të tyra Ministria e Kulturës në Kosovë,l ka hapur një ekspoze me fotografi të artefakteve që Serbia i ka marrë ilegalisht gjatë luftës në Kosovë.
Ministri i Kulturës, Hajrulla Çeku, ka thënë se janë mbi 1200 artefakte që Serbia i mban ilegalisht, e që i takojnë Kosovës, transmeton Zeri.info.
“1247 Ky është numri i artefakteve, pjesë të koleksionit publik muzeal të Republikës së Kosovës që vazhdojnë të mbahen padrejtësisht dhe ilegalisht nga Serbia. Në Ditën Ndërkombëtare të Muzeve ekspozuam fotografitë e artefakteve që presin të kthehen në shtëpi”, shkroi Çeku. /Zëri
