Pa marrë parasysh reagimet e shumta kundër koncertit të këngëtarit serbo-kroat Goran Bregoviç në Korçë, Bashkia e Korçës nuk do e anuloj pjesëmarrjen e tij.
Lajmin e ka bërë të ditur Benila Terova, zëvendëskryetare e Bashkisë në Korçë.
Pjesëmarrja në Korçë është pjesë e turit ndërkombëtar të këtij artisti të madh ballkanik të përmasave ndërkombëtare
Benila Terova , zëvendëskryetare e Bashkisë në Korçë
Sipas saj, Festa e Birrës në Korçë është një festë masive që synon respektimin dhe promovimin e diversitetit kulturor dhe etnik.
Bashkia e Korçës REFUZON të përfshihet në një debat që tenton të POLITIZOJË Festën e Birrës
Benila Terova
“Festa jonë është e te gjithë shqiptarëve e me gjerë. Ne kemi synuar ta ndërkombetarizojmë nga viti në vit festën me muzikantë e vizitorë nga çdo cep i Ballkanit dhe Europës”, tha Terova.
Në prill 2006 Bregoviç ka mbajtur dy koncerte të mëdha në Pallatin e Kongreseve në Tiranë dhe është vlerësuar me Çelësin e Qytetit nga kryetari i Bashkisë të asaj kohe Edi Rama.
Në Kosovë dhe në Shqipëri, skena publike dhe qytetarë po e kundërshtojnë këtë koncert me supozimin se nën këngët e Bregoviçit kanë nxitur krimet gjatë luftës në Kosovë.
Kujtojmë se Polonia dhe Ukraina në 2015 anuluan koncertet e këngëtarit serb, Goran Bregoviç, për shkak të përkrahjes që ai kishte shprehur për pushtimin e Krimesë së Ukrainës nga Rusia.
Deklaratat e këtij artisti kamaleontik ndryshonin sipas politikës ditore, sepse, Brega – siç e quanin dikur në Sarajevë – gjithmonë ka mbajtur anën e të fortit. Ai ndihej jugoslloven (si Tito), kroat (si babai), serb (si nëna), boshnjak (si gruaja), komunist, socialdemokrat, fashist … varet se kush dhe cila ideologji ishte më e forta! Ishte anëtar i partisë komuniste që nga shkolla e mesme, por kur lëkunden themelet e kësaj partie, deklaron se do të votojë për “partinë myslimane”. Më vonë bashkohet me forcat reformuese të Ante Markoviçit, por – pas debatit të reformatorëve – e ndien veten më të sigurt me forcat e Radovan Karaxhiçit.
“Në muzikë nuk ka politikë”, në këtë rast duket vetëm një justifikim banal e asgjë më shumë.
