Besimtarët bektashinj kremtojnë sot ditëlindjen e Imam Aliut, të njohur si festa e Sulltan Novruzit. Me rastin e festës ka mbajtur fjalën e tij edhe Kryegjyshi Botëror i Bektashinjve, Baba Mondi. Ai u lut për të përfunduar lufta në Ukrainë.
“Lutemi që lufta në Ukrainë të përfundojë. Familja duhet të jetojë e lumtur dhe jo e ndarë. Imam Aliu thotë, mos u bëj rob i të tjerëve kur Allahu të ka lindur të lirë. Me këtë mesazh lutjeje, ju siguroj që Kryegjyshata do të ketë derën e hapur për familjet në nevojë. Zemrat e bektashinjve do të jenë të hapura për këtë popull. Ne jemi shpirtërisht me zemër pranë njëri-tjetrit, mbi të gjitha për t’u gjetur sa më parë atyre që humbë strehën dhe sofrën në luftë. Lutjet tona shkojnë për Shqipërinë, që begatia, harmonia e shtruar këtë ditë të begatë të mos mungojë. Ne po rrëfejmë dhe kemi bashkuar dy familjet, duke lutur për të dhënë forcë dhe shpresë. Lulëzimi i kësaj dite të re të lulëzojë shpresa të reja. Ndihmo që të ndihmohemi, Imam Ali, Zoti ju bekoftë të gjithëve Amin!”, tha Baba Mondi.
Kjo ditë njihet si dita e fisnikërisë bektashiane dhe dita e ringjalljes së madhe. Veç shumë politikanëve dhe pjesëtarëve të trupit diplomatik, bektashianët kanë marrë urime edhe nga përfaqësuesit më të lartë të shtetit./tvklan
