Këshilli i Bashkimit Europian do të reduktojë listën e vendeve të treta të cilat konsiderohen epidemiologjikisht të sigurta, qytetarët e të cilëve lejoheshin të udhëtonin me masa të lehtësuara. YTashmë 6 prej tyre pritet të hiqen, ku përfshihet edhe Shqipëria.
Burime nga BE për Reuters kanë treguar 6 shtetet të cilat pritet të dalin nga lista dhe do ketë tjetër mënyrë udhëtimi për to, pas zyrtarizimit në fund në kësaj jave, kur edhe Këshilli i BE-së do të mblidhet për të diskutuar.
Vendet e mëposhtme që do të preken janë këto:
1-Shqipëria
2-Armenia
3-Azerbajxhani
4-Brunei Darussalam
5-Japonia
6-Serbia
-Konkretisht, çfarë do të thotë heqja nga lista?
Heqja nga lista e vendeve të sigurta do të thotë që shtetet anëtare të BE-së do të këshillohen që të rivendosin kufizimet e hyrjes për udhëtarët nga këto vende, të cilët deri më tani ishin të ligjshëm për të udhëtuar në shumicën e vendeve të BE-së dhe zonës Shengen pa kufizime.
Çfarë duhet të dijë një qytetar shqiptar pasi Shqipëria të rikthehet në listen e vendeve me rrezik?
Kufizimet e hyrjes që së shpejti mund të vendosen për këta udhëtarë përfshijnë: Testimin, testimin e dyfishtë, pra një PCR dhe një test të shpejtë, karantinë dhe madje ndalimin e hyrjes në shtetin e BE për ata që nuk kanë bërë vaksinën. Vendimi i BE pritet të publikohet në fund të kësaj jave.
Disa vende të Europës dhe Shengenit i kanë hequr tashmë këto vende nga listat e tyre të bardha ose të sigurta.
SchengenVisaInfo.com raportoi më 23 gusht se Norvegjia e hoqi Shqipërinë nga lista e udhëtarëve të vendeve të treta nga ku mund të hynin sipas rregullave të lehtësuara të hyrjes. Ndërsa më 3 shtator, Finlanda rivendosi kufizimet e hyrjes për vizitorët e pavaksinuar nga Brunei.
Në përditësimin më të fundit të kufizimeve të udhëtimit, të publikuar më 5 shtator, Shqipëria, Serbia dhe Brunei u hoqën nga lista e gjelbër e Republikës Çeke, që do të thotë se udhëtarët e pavaksinuar nga këto tre vende do të jenë të detyruar të plotësojnë një formular mbërritjeje dhe të bëjnë një test Covid para se të hyjnë në Çeki ose jo më vonë se pesë ditë pas mbërritjes.
Nga ana tjetër, nga 6 shtatori qytetarët e Shqipërisë, Azerbajxhanit, Japonisë dhe Serbisë, të moshës 12 vjeç e lart janë të detyruar të tregojnë certifikatën e vaksinimit ose rezultatin e testit negativ në Gjermani. Është gjithashtu me detyrim që ata të regjistrohen në adresën einreiseanmeldung.de para se të arrijnë në Gjermani dhe të ruajnë dëshminë e regjistrimit që ta kenë me vete kur të mbërrijnë në vend.
Bashkimi Europian e kishte vendosur Japoninë në listën e saj të vendeve të sigurta më 3 qershor. Megjithatë kohët e fundit Japonia po shënon numër në rritje të rasteve me koronavirus. Kjo pavarëiësht se deri në fund të gushtit gjysma e popullsisë japoneze është vaksinuar me një dozë vaksine. Brenda 24 orëve të fundit, të dhënat e Organizatës Botërore të Shëndetit tregojnë se Japonia ka regjistruar 9,145 raste të reja me Covid dhe 33 vdekje, ndërsa shkalla e rasteve të reja të raportuara në shtatë ditët e fundit për 100,000 banorë është 87.91./tiranapost
