Kandidati për kryeministër nga Lëvizja Vetëvendosje Albin Kurti është deklaruar në lidhje me organizimin e një referendumi për bashkim me Shqipërinë.
Kurti në një intervistë me Euronews ka thënë se nëse do të mbahej një referendum për bashkimin e Kosovës me Shqipërinë, ai do të votojë pro.
“Ne ende nuk kemi ligj për referendume në Kosovë, por dy referendume ndërmjet shtetit tonë dhe Shqipërisë do ta zgjidhnin një gjë të tillë. Mendoj se do të votoja pro”, tha Kurti, i pyetur se si do të votonte në një referendum të tillë të mundshëm.
