Kryeministri Edi Rama ka publikuar pamjet nga aeroporti i Kukësit përmes një video në rrjetin social Facebook, teksa shprehet është gati për të nisur fluturimet.
Ashtu siç edhe ka premtuar, të parët që do të udhëtojnë përmes këtij aeroporti, janë ata që ai i quan “çunat demokratë” të Londrës.
“Kukës – Aeroporti Ndërkombëtar “Zayed – Flatrat e Veriut”, gati për fluturimin e parë me pasagjerët VIP, çunat çamarrokë të fejsbukut nga Londra”, shkruan Rama.
Ndërkohë, ministrja e Infrastrukturës, Belinda Balluku tha se aeroporti është gati, ndërsa shtoi se destinacionet e para do të jenë disa qytete të Zvicrës dhe lande të Gjermanisë.
