Akademia e Shkencave të Shqipërisë do të organizojë ditën e nesërme një diskutim me disa nga zërat kritikë të planit të qeverisë për të dhënë për menaxhim te një firmë private Parkun Arkeologjik të Butrintit.
Në diskutim do të marrë pjesë kryetari i Akademisë së Shkencave Skënder Gjinusi si dhe akademikë e profesorë të cilët janë pjesë e “Aleancës për Mbrojtjen e Butrintit” si Apollon Baçe, Neritan Ceka dhe Vasil Tole.
Njoftimi i Akademisë së Shkencave:
Ditën e martë, 24 maj, ora 11.00 në Akademinë e Shkencave
Diskutim akademik me temë: “Butrinti – Një vështrim akademik mbi vlerat dhe vlerësimin”
Në diskutim do të marrë pjesë Kryetari i Akademisë së Shkencave, akad. Skënder Gjinushi.
Veprimtaria do të moderohet nga prof. dr. Neritan Ceka, Kryetar i Komisionit të histori-arkeologjisë, Akademia e Shkencave e Shqipërisë
Referojnë:
Akad. Apollon Baçe, “Butrinti në vështrimin kulturor, historik dhe etnik.
Prof. Neritan Ceka, “Dilema e Butrintit” : turizëm pa kulturë dhe fitim pa përfitim?
Akademik Vasil Tole, “Butrinti si diskutim akademik”.
Veprimtaria do të mbahet në sallën “Aleks Buda”, Akademia e Shkencave e Shqipërisë
