Përmbarimi nuk ka pyetur as për Mimoza Muhametin, e cila sapo ka dalë nga spitali është rikthyer në grevën e urisë. Me lot në sy dhe jashtë kamerave ajo shprehet se nuk ka asnjë të ardhur tjetër përveçse punës në këtë rafineri.
Zyrat e Përmbarimit kanë trokitur në godinën dy katëshe ku jane ngujuar 10 punonjëset e Rafinerisë së Ballshit, për të vjelë detyrimet e prapambetura te kredive qe ato nuk kanë arritur dot t’i paguajnë pasi me mbylljen e Uzinë nuk kanë të ardhura të tjera.
Grevistet shprehen se nuk do tërhiqen nga kauza tyre për marrjen e 13 pagave të fituara me gjyq dhe nisjen e punës së Uzinës së naftës. Prej dekadash kanë derdhur djersën ne rafibneri, ndërsa tani vuajnë për bukën e gojës. Ato i bëjnë thirrje kryeministrit Rama për t’i dhënë zgjidhje situatës.
Punëtoret e uzinës i mbështesin nga jashtë godinës dhe shtojnë se së shpejti do të rinisin një tjetër grevë urie.
Punetoret ata përgënjeshtrojnë kreun e qeverisë sa i takon marrjes së pagesës së papunësisë.
Gjendja shëndetësore e grevisteve paraqitet e rënduar. Në tavolinë, ka vetëm ujë dhe ilaçe. Mjekët këshillojnë që ta ndërpresin, ose të paktën të pakësohet numri i tyre, pasi ambienti është i vogël.
Kriza ekonomike si pasojë e mbylljes se rafinerie, është shtrirë thuajse në çdo aktivitet tregtar Ballshit. Dyqanet ushqimore punojnë prej një viti me lista dhe janë në prag falimentimi.
Edhe ilaçet janë me listë. Farmacitë kanë mbushur fletoret me borxhet e qytetarëve.
