Mungesa e fuqisë punëtore, rritja e çmimeve të naftës dhe bukës, si dhe lufta në Ukrainë përbëjnë trekëndëshin e fuqishëm që rrezikon rimëkëmbjen e industrisë së turizmit në Shqipëri, shkruan Euroactiv.
Gjatë verës së vitit 2020, sektori i turizmit në Shqipëri pësoi humbje të mëdha, por mbijetoi disi nga vizitorët nga Kosova, Serbia dhe Maqedonia Veriore. Ndërkaq, në vitin 2021 situata u përmirësua si pasojë e turistëve të shumtë nga Rusia, Bjellorusia dhe Ukraina, raporton Euroactiv.
Disa statistika të Institutit Kombëtar të Statistikave tregojnë se gjatë vitit 2019, numri i turistëve që vizituan Shqipërinë nga Polonia, Ukraina, Rusia dhe Bjellorusia ishte 393,368 kurse në 2021 ky numër ra në 363,483 vizitorë.
Anipse punëtorët e turizmit në Shqipëri shpresuan shumë se në vitin 2022 do të mund t’i rekuperonin humbjet nga vitet e kaluara, një gjë e tillë nuk ndodhi pasiqë turizmi u fut në një krizë akoma më të madhe.
Disa statistika të Institutit Kombëtar të Statistikave tregojnë se gjatë vitit 2019, numri i turistëve që vizituan Shqipërinë nga Polonia, Ukraina, Rusia dhe Bjellorusia ishte 393,368 kurse në 2021 ky numër ra në 363,483 vizitorë.
Si pasojë e vështirësisë për të gjetur punëtorë brenda vendit, shumë biznese në Shqipëri u detyruan të merrnin punëtorë nga jashtë, gjë që u kushtoi shumë. Si rrjedhojë, edhe çmimet u rritën.
Për popullësinë shqiptare, ku rroga mesatare është relativisht e vogël, rritja e çmimeve mund t’i pengojë të bëjnë pushime gjatë këtij viti, raporton tutje Euroactiv. Rrjedhimisht, bizneset turistike humbasin një përqindje të madhe të të ardhurave, e cila veçse është përkeqësuar shumë si pasojë e pandemisë COVID-19.
Për popullësinë shqiptare, ku rroga mesatare është relativisht e vogël, rritja e çmimeve mund t’i pengojë të bëjnë pushime gjatë këtij viti, raporton tutje Euroactiv.
Humbja e të ardhurave u përkeqësua edhe me situatën në Ukrainë, e cila ka ndikuar në rritjen e çmimeve të naftës, transportit, të rrymës elektrike, e madje edhe të bukës. Edhe kjo do të zvogëlojë numrin e turistëve në Shqipëri, sipas statistikave.
Si pasojë, turizmi në Shqipëri pritet që verës së vitit 2022 të përballet me pasojat e luftës në Ukrainë, pasoja këto që dëmtuan shumë turizmin e këtij vendi.
