Partia Demokratike ka publikuar pamjet e dhunës që është përdorur nga protestuesit në selinë e PD-së në 8 Janar, tubim që ishte thirrur nga Sali Berisha.
Përballë pamjeve me video, PD ka nxjerrë edhe deklaratat kontradiktore që dhanë një ditë më parë pas daljës nga Prokuroria deputeti Flamur Noka dhe ish kryeministri Sali Berisha.
PD thekson se Berisha dhe Noka mashtrojnë hapur kur thonë që nuk është përdorur dhunë në protestën e 8 janarit.
REAGIMI I PLOTE I PD
Vetëm një njeri në hall të madh mund të mashtrojë hapur shqiptarët për dhunën dhe terrorin e ushtruar kundër PD.
Sali Berisha ishte ideatori dhe urdhëruesi i dhunës dhe terrorit. Sali Berisha kërkonte që mbi gjakun e demokratëve të negocionte “non grata-n” e tij.
Njësoj si ai, edhe ndihmësit e tij të sulmit përpiqen të mohojnë dhunën që e pa gjithë bota.
Demokratët e kuptuan dhe u shkëputën përgjithmonë nga ata që e kanë përdorur dhunën si mjet politik! NE KEMI ZGJEDHUR TË ARDHMEN.
