Lulzim Basha, kreu i PD, ka komentuar nga Elbasani, edhe situatën e krimit në këtë qytet, i cili kohët e fundit është rritur. Sipas Bashës, bashkëpunimi i pushtetit me krimin ka bërë që kjo situatë të përkeqësohet.
“Situata e krimit në Elbasan është renduar për shkak të bashkëpunimit të krimit me pushtetin. Atë që kemi thënë prej 7 vitesh nuk besoj se ka njeri që nuk e ka kuptuar”, u shpreh Basha.
Por, për kreun e PD ka një zgjidhje: “Ndaj dhe zgjidhja kryesore për situatën e krimit në Elbasan është shkëputje e lidhës së krimit me pushtetin.
Ky është një nga zotimet e para dhe kjo do të jetë një arritjet e mia të para për Elbasanin dhe Shqipërinë”, u shpreh Basha.
