Aleanca për Teatrin ka kallëzuar paraditen e sotme në SPAK ministren e Kulturës Elva Margariti.
Në një prononcim për mediat Juristja Adriana Kalaja tha se ministrja ka konsumuar elemente të veprave penale, “shpërdorim detyre”, “korrupsion pasiv”, përmes vendimeve anti-kushtetuese.
“Ne e quajmë që ministrja Margariti ka shpërdoruar detyrën dhe kjo e rëndon veprën penale që ministrja ka bërë që me propozimin për transferimin e pronës. Për fatin tonë të mirë, në interes të publikut u shpall anti-kushtetuese. Ministrja do përgjigjet për veprat penale që është akuzuar nga ne në korrik të 2020-ës dhe në drejtim të Ministrisë së Kulturës. SPAK me keqardhje akoma nuk po reagon. Institucioni i SPAK i ka dosjet dhe ne duhet të marrim një përgjigje se çfarë është bërë për kallëzimet tona.
Dhe duhet të marrim një përgjigje për reagimin fyes që z.Kraja i bën Aleancës për Teatrin. Nuk e di çfarë pret SPAK-u që të çojë për gjykim ata kriminelë që erdhën për të “vrarë” ata protestues paqësore. Kur gjysma e policisë ishin pa nr. Identifikimit. Kur prishja u bë ndërkohë që çështja ishte akoma në Kushtetuese. Ka shumë shkelje skandaloze. Shumë shpejt do ti drejtohemi Senatit Amerikan për veprimet e ambasadores Kim. Është bërë palë me njerëzit që shkelin ligjin”, u shpreh Kalaja.
