Rasti “Sgarbi” përsëritet edhe njëherë, por kësaj here “e keqja” na vjen nga brenda. Aktori Florian Binaj ka publikuar një foto të faqes “Archeoparks”, ku ka edhe një përshkrim të shkurtër për qytetin e lashtë të Amantiaa. Në faqe shkruhet se qyteti, rrënojat e të cilit ndodhen në territorin shqiptar, i quajtur dikur Amantia ose Abantia ishte një qytet i lashtë grek, i pozicionuar në luginën e lumit Vjosa.
Ky përshkrim ka ngjallur një reagim të fortë tek aktori, i cili shkruan se “tradhëtarët” e vendit paguhen akoma nga taksapaguesit shqiptarë.
“SKANDAL!!!Vazhdojnë tradhtarêt të paguhen nga taksapaguesit shqiptarë për ti bërë dem Shqipërisë, shqiptarëve dhe trashgimisë tonë kulturore… Parkun kombëtar arkeologjik të Amantias në faqen zyrtare, e kanë quajtur qytet grek…O Zgarbista të ndyrë!!!!!! Taksirat i hackerave të ndërhyjë se qeveria e ka mëndjen te mbajë klikimet meqë s’ja del dot me premtimet!,“-shkruan ai.
Po çfarë ndodhi me Vittorio Sgarbin?
Vjet, Sgarbi erdhi për vizitë dhe vizitoi të gjithë jugun e Shqipërisë, por ai nuk hezitoi ta quante Bylisin, një qytet grek e jo shqiptar. Për këtë shkak, ai krijoi një sërë reagimesh nga gazetarë dhe historianë shqiptarë, të cilët e kritikuan ashpër italianin. Por ai në një tjetër deklaratë tha se kur ka thënë qytet grek, i është referuar arkitekturës dhe jo territorit. Ndërkohë, dje Ceka u shpreh për këtë deklaratë Zoti të na shpëtojë nga injoranca./dosja
