Besimtarët myslimanë në mbarë vendin festojnë sot ditën e Fiter Bajramit. Pas një muaji agjërim, sakrificë, lutje dhe adhurim ndaj zotit besimtarët janë mbledhur sot bashkë për faljen e Namazit.
Edhe pse në kohë pandemie, përsëri qytetarët kanë dalë në sheshin “Skënderbej”.
Sipas njoftimit që bëri një ditë më parë KMSH, programi nisi në orën 05:40 dhe mbaroi në 06:20.
Në mesazhin e tij, drejtuar besimtarëve, Kreu i Komuniteti Bujar Spahiu bëri thirrje që t’i gjendemi përherë pranë të varfërve dhe të angazhohemi vazhdimisht për një shoqëri të drejtë e solidare.
Festën e uroi edhe kryeministri Edi Rama, i cili në një postim në rrjetet sociale shkruan: “Gëzuar Bajramin shqiptarë kudo ndodheni”.
Ndërsa lideri demokrat, Lulzim Bashan urimin e tij e bëri mbrëmjen e djeshme. “Nga zemra ju uroj gjithë besimtarëve myslimanë Gëzuar Fitër Bajramin! Agjërim të pranuar, lutje të pranuara, shpresë të përtëritur. Zoti e bekoftë Shqipërinë!” shkruan Basha.
