Konferenca e Kryetarëve, e mbledhur këtë paradite, ka miratuar programin e punës së Kuvendit për periudhën 10 maj-9 korrik 2021 dhe kalendarin e punimeve për periudhën 4-21 maj 2021.
Partia Socialiste ka konkretizuar nismën për shkarkimin e Presidentit Ilir Meta. Së fundmi Konferenca e Kryetarëve ka futur kërkesën e 47 deputetëve në kalendarin e punës së Kuvendit.
Ndërkohë Konferenca e Kryetarëve miratoi po ashtu programin e punës së Kuvendit për periudhën 10 maj-9 korrik 2021 dhe kalendarin e punimeve për periudhën 4-21 maj 2021.
Konferenca vendosi zhvillimin e seancave plenare në datat 4 maj, 6 maj, 13 maj dhe 20 maj 2021.
Mbledhja e Konferencës së Kryetarëve është zhvilluar me anë të mjetit të komunikimit elektronik (Cisco Webex).
