Kontrollorë të ardhur nga Turqia pritet të zënë vendin e kolegëve shqiptarë, të cilën braktisën punën duke bllokuar që prej ditës së djeshme fluturimet në Aeroportin e Rinasit.
“News 24” raporton se turqit erdhën në Shqipëri në rrugë tokësore, përmes një vendi fqinj.
Zëvendësimi i kontrollorëve do të vazhdojë deri në zgjidhjen e situatës. Sjellim në vëmendje që sot ministrja e Infrastrukturës dhe Energjisë, Belinda Balluku, bëri me dije rinisjen e fluturimeve esenciale, ndërsa paralajmëroi se nesër do të rikthehen ato komerciale.
Ministrja u shpreh se sot do të kryhen vetëm fluturimet emergjente që lidhen me çështje humanitare, shëndetësore, diplomatike, shtetërore dhe ushtarake.
