“Të gjitha vendimet i merr Komiteti i Ekspertëve”. Kjo është fraza që kemi dëgjuar prej një viti nga kryeministri Edi Rama, lidhur me një grup të caktuar prej vetë atij, për të drejtuar të gjithë aspektet e vendimarrjes në lidhje me pandeminë.
Por, ditën e sotme, u qartësua, ajo që shumë e dinin prej kohësh, se në fakt ky Komitet është thjesht një organizëm fasadë, i varur nga kryeministri dhe i politizuar në qelizë.
Gjatë ditës së sotme në prezantimin e programit për shëndetësinë në krah të Edi Ramës është shfaqur shefja e Infektivit ,një prej antarëve të Komitetit të Ekspertëve , Najada Çomo.
Në mes të pandemisë, ajo është caktuar për të garuar me Partinë Socialite në zgjdhje, duke braktisur kështu detyrën si mjeke dhe anëtare e Komitetit.
Kryeministri Rama e ka prezantuar vetë gjatë ditës së sotme .
“Najada Çomon e kam ftuar për të dëshmuar për të sjellë një dëshmi ndryshe nga vija e zjarrit ku respekti dhe mirënjohja ndaj atyre që qëndrojnë prej një viti në atë barrikadë dhe fatkeqësisht ndjehen, godasin, dëmtojnë valët e energjive negative”, tha Rama
Ndërkohë në orët e para të mëngjesit të sotëm një nga antarët e Komitetit të Ekspertëve Tritan Kalo ka lajmëruar largimin e tij nga ky komitet, kjo për shkak sipas tij të politizimit të punës së Komitetit të Ekspertëve .
Mjeku i njohur i infektivit vazhdimisht ka theksuar se Komiteti ka pasur rol këshillimor, dhe jo vendimmarrës, ashtu siç preferon që ta bëjë të duket qeveria, kur do të heqë përgjegjësinë nga vetja.
