04 dhjetor 2025| 19:02
Më 4 dhjetor, në ora 13:00, në ambientet e Fakultetit Filozofik u shfaq dokumentari “Hora e Arbëreshëvet”, i realizuar nga gazetarja dhe autorja Vesa Guhelli, kushtuar 537-vjetorit të themelimit të Horës së Arbëreshëvet në Siçili.
Aktivitetin e hapi prodekani Bardhok Bashota, i cili theksoi rëndësinë e ruajtjes së identitetit kulturor dhe trashëgimisë arbëreshe si pjesë e pandashme e botës shqiptare. Më pas, autorja e dokumentarit foli për procesin e realizimit, motivimin dhe përvojën e saj me komunitetin arbëresh të Siçilisë.
Dokumentari trajton:
– veshjen arbëreshe si shprehje identitare dhe artistike;
– muzikën dhe këngët polifonike;
– gjuhën arbëreshe si shtyllë themelore të identitetit;
– ruajtjen e traditës në kohët moderne.
Në aktivitet morën pjesë profesorë dhe studentë të Fakultetit Filozofik, ndërsa në fund u zhvillua edhe një debat i hapur, ku të pranishmit diskutuan mbi rëndësinë e trashëgimisë arbëreshe, ruajtjen e identitetit dhe rolin e dokumentarit në ndërgjegjësimin kulturor.
